Лидерката на АфД: Ќе ја престигнеме ЦДУ на следните избори

Алис Вајдел, кандидатката за канцеларка на Алтернатива за Германија (AfD), им се обрати на своите поддржувачи по објавувањето на првичните изборни резултати.

Според првичните проценки, екстремно десничарската партија освоила нешто помалку од 20 отсто од гласовите.

„Го удвоивме бројот на гласови, додека други изгубија половина од своите“, им рекла таа на насобраниот народ, предизвикувајќи овации од поддржувачите.

„Ако овие први резултати се точни, тогаш знаеме што да очекуваме“, додала Вајдел.

Таа, исто така, предупредила за можни коалиции со Левицата.

„Ако ЦДУ ја издаде својата програма и одлучи да соработува со Левицата, можам да ве уверам дека следните избори ќе дојдат побрзо отколку што очекуваат и тогаш ќе ја престигнеме ЦДУ како најсилна партија во Германија“, рекла Вајдел.

Share on Facebook

Tweet

Follow us

Save