Македонија не е меѓу нив – Путин: Ги цениме државите кои покажаа машки карактер и не му се поклонија на “хегемонот”

Русија високо ги цени своите сојузници и истомисленици на различни континенти, рече претседателот Владимир Путин, говорејќи на форумот „Армија 2022“.

„Тоа се држави кои не му се поклонуваат на таканаречениот хегемон. Нивните лидери покажуваат вистински машки карактер и не се наведнуваат“, рече тој, пренесува РИА Новости.

Претседателот посочи дека овие земји избираат суверен, независен пат на развој, сакаат заеднички да ги решаваат прашањата за глобалната и регионалната безбедност врз основа на меѓународното право, взаемна одговорност и почитување на интересите на едни со други.
„На тој начин тие придонесуваат за заштита на мултиполарниот свет“, додаде тој.

„Русија искрено негува историски силни, пријателски и доверливи врски со земјите од Латинска Америка, Азија и Африка и е подготвена да им понуди на своите сојузници и партнери најмодерни видови оружје“, продолжи Путин.

Тој истакна дека во целиот свет овие видови оружје се ценети меѓу воените професионалци поради нивната доверливост, квалитет и висока ефикасност и дека речиси сите од нив се повеќекратно користени во реалните борбени операции.

Според претседателот, со развивање воено-техничка соработка, здружување на напорите и потенцијалот, Русија и нејзините партнери ќе можат да обезбедат сигурна безбедност и стабилност и за себе и за целиот свет.

Од 15 до 21 август во Патриот центарот во Москва се одржува меѓународниот воено-технички форум „Армија 2022“. Околу илјада и пол компании од воено-индустрискиот комплекс ќе ги претстават најновите модели на воена опрема.

Share on Facebook

Tweet

Follow us

Save