Макрон: Абортусот е фундаментално право на жените

Францускиот претседател, Емануел Макрон во петокот рече дека абортусот е фундаментално право на жените, како реакција на одлуката на Врховниот суд на САД која претходно ја поништи значајната пресуда од 1973 година Ро против Вејд за абортусот.

„Абортусот е основно право за сите жени. Мораме да го заштитиме. Би сакал да ја изразам мојата солидарност со сите оние жени чии слободи денес беа загрозени од Врховниот суд на САД“, напиша Макрон на својот профил на Твитер.

Врховниот суд на САД во петокот го презеде драматичниот чекор за поништување на значајната пресуда од 1973 година Ро против Вејд, која го призна уставното право на жената на абортус и го легализираше на национално ниво, давајќи им значајна победа на републиканците и верските конзервативци кои сакаат да го ограничат или забранат постапка.

Share on Facebook

Tweet

Follow us

Save