Макрон вели американските напади на Иран се нелегални: Народот треба да си ги промени лидерите, не можеме со бомби

Францускиот претседател Емануел Макрон вели дека немало „рамка на легалност“ во врска со американските напади врз нуклеарните постројки на Иран, додавајќи дека секоја промена на режимот во земјата треба да биде резултат на волјата на народот, а не на бомбите.

„Нема рамка на легалност во овие напади, дури и ако Франција ја дели целта Иран да не стекне нуклеарно оружје“, им рече тој на новинарите за време на прес-конференцијата во Осло, заедно со норвешкиот премиер Јонас Гар Стоере.

„Верувам во суверенитетот на народите и територијалниот интегритет… па затоа не мислам дека можеме да го заземеме местото на еден народ за да ги промениме неговите лидери“, додава Макрон.

Share on Facebook

Tweet

Follow us

Save