Макрон им се заинати на Французите: Нека протестираат колку сакаат, пензиската реформа ќе се спроведе

Францускиот претседател Емануел Макрон денеска изјави дека законот за пензиски реформи треба да се спроведе пред крајот на годината.

Според Ројтерс, Макрон рекол дека неговата влада ќе се обиде да ја врати Франција во нормала „што е можно поскоро“.

Претходно оваа недела, француската влада „преживеа“ гласање за недоверба во парламентот поради многу непопуларната реформа на пензискиот систем, додека протестите продолжија низ целата земја.

Макрон изјави дека премиерката Елизабет Борн сè уште има доверба.

– Таа ќе продолжи да ја води оваа влада – рече Макрон.

– Ова е тешка реформа. Бараме дополнителен напор од луѓето. Тоа никогаш не е популарно – истакна тој.

Во исто време, Макрон го осуди екстремното насилство на улиците, но и им призна на синдикатите за мирни протести.

– Нема да толерираме никакво насилство, а на властите им останува да слушнат легитимен гнев и да одговорат на него – рече Макрон.

Како одговор на протестите, тој истакна дека пензиската реформа е неопходна.

– Дали мислите дека ми причинува задоволство што ја спроведувам оваа реформа и дека можеме да продолжиме под истите правила? Тоа не е луксуз или задоволство, туку неопходност – рече тој.

За тоа што дури 70 отсто од граѓаните се против законот, тој рече дека го избира интересот на државата наместо краткорочните јавни истраги.

Share on Facebook

Tweet

Follow us

Save