Малку утна: Шведската премиерка ѝ честиташе на погрешна Лиз Трас

Лиз Трас, чие полно име е Мери Елизабет Трус, вчера стана нова премиерка на Велика Британија, на што, како што налагаат дипломатските обичаи, честитаа бројни шефови на влади и држави од целиот свет.

Многу од нив тоа го направија преку социјалните мрежи, како шведската премиерка Магдалена Андерсон. Но, таа честитка не стигна до Трас – поради грешка. Имено, новата британска премиерка предизвика мала збунетост на Твитер бидејќи на оваа популарна платформа има (барем) два профили со нејзиното име, едниот trussliz кој навистина го користи, а другиот liztruss на извесна Лиз Трусел. Како што пренесуваат британските медиуми, неизбежно било некој да и го честита изборот на шеф на владата и Конзервативната партија на погрешната Лиз, исто како што тоа го направи шведската премиерка. Иако тој твит подоцна беше избришан, Андерсон сепак доби одговор – погрешната Лиз Трас и напиша дека едвај чека да ја посети Шведска.

Ова, секако, не беше единствената честитка испратена на погрешна (Твитер) адреса, која доби и критики за новоизбраниот премиер.

Еден корисник на Твитер ѝ предложи на Трусел да биде новиот премиер, на што таа одговори „да, јас и кралицата дефинитивно ќе бидеме најдобри“, додека друг предложи кралското семејство да ја покани на чај.

Share on Facebook

Tweet

Follow us

Save