Маричиќ: ЕУ ќе има нови членки, од нас зависи дали ќе бидеме меѓу нив

Вицепремиерот за европски прашања – Бојан Маричиќ, вечерва во „Клик Плус“ на тв21 рече дека во техничката влада има плус задачи. Тој ја води и Комисијата за политички систем, а доколку техничкиот премиер Талат Џафери не може, тој е предводник и на Владата.

„Воедно ја водам и Комисијата за политички систем во Владата, значи еден состанок плус во неделата, и присуството на седниците е задолжително затоа што доколку не е тука премиерот Џафери, треба да ја водам Владата. После работното време сме и политички активирани, пред изборите“, изјави Маричиќ.

Во емисијата искажа убедување дека во 2030 година ЕУ ќе има нови членки, и дека само од нас зависи дали ние ќе бидеме меѓу нив, или ќе стоиме и натаму во чекалната.

„Треба да биде отрезнувачки тоа дека времето не работи за нас. Опозицијата која ја промовира таа стратегија дека треба да чекаме, но се покажа дека чекањето не е добитна стратегија, и не работи за нас. Јас ве уверувам дека околу 2030 година ќе има нови членки во ЕУ, а прашањето е дали ние ќе бидеме во публиката и ќе аплаудираме на Црна Гора, Украина, Молдавија, БИХ и Србија, или ќе бидеме заедно со нив со бината во ЕУ“ – изјави Маричиќ.

За соработката со неговиот претходник Артан Груби, рече дека е „Коректна, како и до сега“.

„Коректна и партнерска, како и до сега е соработката. До скоро тој ја водеше Комисијата за политички систем, тој е сега мој заменик кога јас не сум тука, и засега нема никакви проблеми“, изјави Маричиќ.

Share on Facebook

Tweet

Follow us

Save