INFOMAX.MK

Јавното обвинителство вели дека е во надлежност на МВР да ги идентификува и евентуално да ги процесуира пријавите против оние лица кои на синоќешниот собир во центарот на Скопје, по победата на македонските фудбалери во Италија, извикувале антиалбански пораки.

Прашањето за кое покажувате интерес е во надлежност на МВР. Додека МВР ги идентификува сторителите на евентуално кривично дело и донесе дела по кои Јавното обвинителство оцени дека има елементи на кривично дело, ќе започнеме со активности согласно законот за нивно кривично гонење – велат од Јавното обвинителство за „Алсат“.

Од МВР не одговориле дали Бирото за јавна безбедност почнало да ги идентификува сторителите.

Од „Алсат“ потсетуваат дека Кривичниот законик предвидува затворски казни од 1-5 години за изразување национална или етничка омраза.

Тој што со насилство, вознемирување, загрозување на безбедноста, изложување на исмејување на национални, етнички или верски симболи, оштетување туѓи предмети, сквернавење споменици, гробови или што било друго сака да поттикне или поттикнува национална омраза расна или верска, раздор или нетрпеливост се казнува со затвор од една до пет години – предвидено е во член 319 од Кривичниот законик, член 319.