Медведев: Русија треба да го претвори животот на Запад во кошмар

Русија треба силно да одговори на западните санкции, претворајќи го животот на Запад во „траен кошмар“ и нанесувајќи максимална штета на непријателските земји, изјави заменик-претседателот на Советот за безбедност на Русија, Дмитриј Медведев, пренесува ТАСС. 

„Треба секој ден да се трудиме да направиме што е можно поголема штета на оние земји кои ги воведоа овие ограничувања на нашата земја и на сите наши граѓани. Направете штета насекаде, парализирајте ја работата на нивните компании и владини агенции. Најдете ранливост во нивните критични технологии и напаѓајте ги безмилосно. Буквално уништете ја нивната енергија, индустрија, транспорт, банкарство и социјални услуги“, рече тој.

„Да ги претвориме нивните животи во постојан  кошмар“, заклучи Медведев, повикувајќи се на старозаветниот принцип „око за око“.

Share on Facebook

Tweet

Follow us

Save