Медведев се закани: Ако НАТО држава стапне во Крим почнува Трета светска војна

Секој потег на членка на НАТО против Крим би бил еднаков на објавување војна на Русија и може да доведе до „трета светска војна“, изјави поранешниот руски претседател Дмитриј Медведев.

За нас, Крим е дел од Русија. „И ако тоа го направи која било членка на НАТО, тоа ќе значи војна со целата Северноатлантска алијанса. Трета светска војна. Апсолутна катастрофа“, додаде тој.

Медведев, потпретседател на рускиот Совет за национална безбедност, исто така рече дека доколку Финска и Шведска се приклучат на НАТО, Москва ќе ја засили безбедноста на своите граници и дека е „подготвена за одговор“ кој би можел да вклучи развој на суперсонични ракети Искандер.

Share on Facebook

Tweet

Follow us

Save