МЕПСО бара зголемување од 97% на цената на своите услуги

МЕПСО бара зголемување од над 97 проценти на цената на своите услуги. Ова е само едно од барањата доставени до Регулаторната комисија за енергетика за утврдување на новата цена на електричната енергија. Претходно, своите пресметки ги доставиле и останатите енергетски компании.

Така, МЕМО не бара корекција на цената на своите услуги, додека Електродистрибуција сè уште не соопштила каква промена на цената бара, бидејќи не е завршен тендерот за набавка на електрична енергија за покривање на загубите во мрежата.

Сепак, цената што граѓаните ќе ја плаќаат од 1 јануари во најголема мера ќе зависи од понудата на ЕСМ. Во моментов, компанијата му ја продава електричната енергија на ЕВН Хоум по цена од 65 евра за мегават-час.

Она што засега е познато е дека цената нема да биде пониска од ова ниво. Сепак, премиерот Христијан Мицкоски вели дека се прават напори од следната година цената да остане непроменета.

Share on Facebook

Tweet

Follow us

Save