Меѓу жртвите на масакрот во Белград е и девојче од Франција

Француското Министерство за надворешни работи денеска се огласи во врска со масакрот во училиштето во Белград, наведувајќи дека меѓу жртвите во нападот во основното училиште „Владислав Рибникар“ е и девојче од француска националност.

„Со тага дознавме за вооружениот напад што се случи во училиштето „Владислав Рибникар“ во Белград утрото на 3 мај, кој предизвика голем број жртви меѓу учениците и наставниците, меѓу кои и ученик од француска националност. “, стои во соопштението на веб-страницата на министерството.

Осум деца и еден обезбедувач утрово се убиени во вооружен напад на четиринаесетгодишен ученик во основното училиште „Владислав Рибникар“ во центарот на Белград. Шест ученици и еден наставник се повредени, а напаѓачот сам се пријавил во полицијата.

Share on Facebook

Tweet

Follow us

Save