Меџити: За една година ќе имаме вработено повеќе Албанци во јавната администрација од претходната власт во 8 години!

Првиот вицепремиер, поранешен член на ДУИ, Изет Меџити, вети дека ќе вработува Албанци во државната и јавната администрација. На партиски настан во Шуто Оризари, Меџити истакна дека за една година Владата ќе реализира повеќе вработувања отколку што беа направени во изминатите два мандата од другите албански политички субјекти.

„За прашањето на вработувањата, за една година ќе направиме онолку вработувања колку што тие направија за два мандати, осум години во Владата. Значи, ќе бидат стотици, ако не и 2-3 илјади Албанци во државната и јавната администрација и насекаде каде што има потреба од обновување на тие работни места, со што ќе се елиминира една пречка и проблем на нашите граѓани, за да не заминуваат во странство и да не ја гледаат својата перспектива надвор од државата“, изјави Меџити.

Share on Facebook

Tweet

Follow us

Save