INFOMAX.MK

Со службено возило и обезбедување вицепремиерот Изет Меџити и министерот за здравство Арбен Таравари вечерва се забележани во Скара Бар во Скопје.

Фотографијата до нашата редакција ја испратија читатели кои информираат дека со Меџити и Таравари имало присутно и службено обезбедување.

Инаку претходно директорот на СОЗР, Ивица Томовски најави дека нема да има злоупотреба на службени возила.

Ова не е прв случај на злоупотреба на службени возила.

И за овој случај, како и за многу други би требало да реагира Државната комисија за спречување на корупцијата бидејќи и вицепремиерот и директорот злоупотребуваат државни ресурси за партиски цели. Вицепремиерот би требало да се опомени и сам себеси, бидејќи е задолжен за добро владеење и следење и спречување на вакви ситуации, освен ако заради непознавањето на македонскиот јазик не разбрал погрешно, па наместо да спречува поттикнува злоупотреба на државните ресурси.

Претходно сличен случај имаше и со спикерот Гаши кој со службено возило одеше на свадба во Косово, спикерот ја помина и границата без проверка на документите, а иста привилегија добија и неговите свадбари, но и за тој случај не реагираше ниту една институција.