Милошоски: Во новата влада најверојатно ќе учествуваат ВМРО-ДПМНЕ, ВЛЕН и ЗНАМ!

По вчерашното прегласување, речиси е познат новиот парламентарен состав. Пратеникот и член на ВМРО-ДПМНЕ, Антонио Милошоски очекува дека новата влада ќе се формира до 20-ти јуни.

Тој во објава на социјална мрежа „Х“ истакна дека неговата партија освоила 58 места во парламентот, а дека коалицијата ВЛЕН, со која ВМРО-ДПМНЕ преговара за формирање нова Влада, има 14 мандати.

-Во новата влада најверојатно ќе учествуваат ВМРО-ДПМНЕ, ВЛЕН и ЗНАМ, стои во објавата на Милошоски.

Засега ВМРО-ДПМНЕ нема почнати официјални преговори со партијата на Максим Димитриевски за да бидат дел од новото владеачко мнозинство.

Вчера се прегласуваше во седум избирачки места за парламентарните избори. Се случи пресврт, според првичните резултати на ДИК, ДУИ изгуби еден пратеник, а ВЛЕН доби во шестата изборна единица. Состојбата со пратениците во ДУИ во петата изборна единица нема да се смени. Со овој резултат здружената албанска коалиција обезбеди 14, а ДУИ 18 мандати.

Share on Facebook

Tweet

Follow us

Save