Мицкоски: Не ми паѓа на памет да вршам притисок врз медиумите

Не планирам да вршам притисок врз медиумите, вели претседателот на ВМРО-ДПМНЕ, Христијан Мицкоски, во гостување во „Само интервју“ коментирајќи го напредокот во извештајот на „Репортери без граници“ каде Македонија има значителен напредок во делот на слободата на медиумите.

– Чудно е што ова сега што го зборувате е во период кога во овие седум години многу од медиумите престанаа да работат. Имате неколку медиуми кои престанаа да функционираат. Јас немам намера како човек и како политичар, ниту до сега, ниту во иднина, да вршам притисок врз било кој медиум. Ме критикувале медиуми, измислувале, со некои сум завршил и на суд бидејќи ја поминале црвената линија, замешале семејство, сум добил на суд и сум добил извинивање. Но да правиме притисок во било која форма нема да ми падне на памет, вели Мицкоски.

Share on Facebook

Tweet

Follow us

Save