Можеше да биде и полошо! За ова предупредуваме три години, вели претседателката на судот во Подгорица

Претседателката на Основниот суд во Подгорица, Жељка Јововиќ изјави дека денеска сѐ можело да биде „многу полошо“, пренесува „Вијести“.

„Ова го посочувавме со години. За ова зборуваме три години. Укажуваме дека безбедноста е таква каква што е. За среќа, вака заврши, можеше да биде многу полошо – изјави Јововиќ.

Триесет и деветгодишниот Младен Булатовиќ загина откако активирал рачна бомба на влезот во Основниот суд во Подгорица.

Директорката на Клиничкиот центар на Црна Гора (КЦЦГ), Љиљана Радуловиќ изјави дека по денешната експлозија во таа здравствена установа се пријавиле осум лица.

„Од нив, пет пациенти имаат и физички повреди. Четворица пациенти ќе бидат примени на понатамошно болничко лекување“, рече Радуловиќ.

Share on Facebook

Tweet

Follow us

Save