Експлозија на гас во зграда во Италија: Има загинати и повредени

Три лица денеска загинаа, а две се повредени во експлозија која најверојатно е предизвикана од истекување на гас, по што се урна зграда во градот Порто Сант’Елпидио во близина на италијанскиот град Анкона, објави Анса.

Двајцата повредени се префрлени во болницата Торете во Анкона.

Противпожарната служба, брзата помош и агенциите за спроведување на законот брзо пристигнаа на местото на настанот.

Во несреќата загина 47-годишниот Џузепе Пјерони, кој беше пронајден мртов на самото место, додека телото на 89-годишната Еторина Пакапело беше пронајдено по неколкучасовно пребарување.

Нејзиниот 60-годишен син, Романо Черкети, им подлегна на повредите во болница во Анкона.

Родителите на починатиот Џузепе Пјерони беа повредени во експлозијата.

Тие беа префрлени во болницата во Анкона, пренесува Танјуг.

Share on Facebook

Tweet

Follow us

Save