Муцунски телефонски се слушна со Анита Орбан oд Тиса – која ќе биде идниот министер за надворешни работи на Унгарија

Министерот за надворешни работи и надворешна трговија, Тимчо Муцунски, оствари телефонски разговор со Анита Орбан, главен советник за надворешна политика на новата владејачка партија на Унгарија – TISZA, соопштија од МНР.

Во разговорот, министерот Муцунски упати искрени честитки по повод резултатите на парламентарните избори.

Соговорниците ги реафирмираа одличните билатерални односи и високото ниво на политичка соработка, изразувајќи подготвеност за нивно понатамошно продлабочување, со посебен акцент на политичката, економската и трговската соработка.

Воедно, разменија мислења за евроинтегративниот пат на нашата држава, при што беше потврдена јасната и силна поддршка од Унгарија. Стана збор и за актуелните геополитички состојби во Европа и пошироко.

Share on Facebook

Tweet

Follow us

Save