НАТО ја предупредува Русија: Да не го ескалира конфликтот со лажни тврдења за “валкана бомба”

Русија не смее да го ескалира конфликтот во Украина со лажни тврдења дека Киев планира да фрли таканаречена „валкана бомба“, предупреди шефот на НАТО Јенс Столтенберг.

Столтенберг ги коментираше тврдењата на Москва дека Украина може да распореди такво оружје, предизвикувајќи стравувања дека Русија може да го употреби и да го обвини Киев за тоа.

Столтенберг рече дека разговарал со шефот на Пентагон Лојд Остин и британскиот министер за одбрана Бен Валас „за лажното тврдење на Русија дека Украина се подготвува да употреби валкана бомба на своја територија“.

„Сојузниците на НАТО го отфрлаат ова обвинение. Русија не смее да го користи тоа како изговор за ескалација. Остануваме цврсто во нашата поддршка за Украина“, напиша тој на Твитер.

Share on Facebook

Tweet

Follow us

Save