Научници: Земјотресите ја поместија Турција за три метри

Претседателот на италијанскиот национален институт за геофизика и вулканологија, Карло Дољони, денеска изјави дека движењето на тектонските плочи кое го предизвикало земјотресот во Турција, ја поместило територијата на таа земја за три метри.

„Она што ние го нарекуваме Арапска плоча се помести за три метри во правец североисток-југозапад во однос на Анадолската плоча“, рече Дољони, додавајќи дека има поместување од три метри во должина од околу 160 километри“, пренесе „Дејли мејл“.

Бројот на жртви во серијата силни земјотреси што ги погодија Турција и Сирија надмина 7.200, преку 25.000 луѓе се повредени, а според проценките на властите, од последиците од природната катастрофа ќе бидат засегнати повеќе од 23 милиони луѓе во двете земји.

Share on Facebook

Tweet

Follow us

Save