Нашата врска е на пауза, ова не е нормално: Украинската прва дама проговори за бракот со Зеленски

Првата дама на Украина, Олена Зеленска (44), во неодамнешното интервју за Си-ен-ен откри дека ретко се гледа со својот сопруг, украинскиот претседател Володимир Зеленски (44) и дека за неа не е нормално што нивните деца можат да разговараат со нивните татко само по телефон.

– Ова не е нормално, тоа не е нормална врска, кога децата не можат да го видат својот татко и мораат да разговараат со него на телефон… Затоа нашата врска во моментот е на пауза, како и врските на повеќето Украинци – ѝ рекла Олена на новинарката Кристијана Аманпур.

Поради безбедносни причини, парот може да се гледа повремено и накратко, а во првите два месеци од руската инвазија воопшто не се виделе. Зеленски живеел во својата канцеларија со својот персонал, додека Олена и нивните две деца на возраст од 17 и 9 години, биле чувани на тајна локација.

Share on Facebook

Tweet

Follow us

Save