Најавени нови помасовни протести – „Ако премолчиме, ова ќе продолжи“

Студентите кои денеска учествуваа во протестот поради трагичната смрт на 22-годишната Фросина Кулакова, најавија нови и помасовни протести со цел да се спречи неказнивоста и да се бара правда за сите жртви на сообраќајните несреќи.

„Ако сега премолчиме, ваквите работи ќе продолжат. Сите треба да се организираме и да покажеме дека ова мора да престане“, велат тие.

Тие маршираа од местото на несреќата до Собранието, Обвинителството и завршија пред Кривичниот суд, барајќи правда за Фросина.

Преди два дена, Фросина беше прегазена од 20-годишниот Васил Јованов, кој возел пијан, без возачка дозвола, минал на црвено светло и ја удрил со брзина од 120 км/ч додека таа преминувала на пешачки премин.

Share on Facebook

Tweet

Follow us

Save