Најкрвавите избори во модерната историја на Мексико: Убиени се 37 кандидати за политички функции

Изборите во Мексико, кои ќе се одржат утре, се најкрвавите во модерната историја на земјата бидејќи бројот на убиени кандидати за политички функции се искачи на 37.
Хорхе Уерта Кабрера, кандидат за советничко место во градот Изукар де Матаморос во државата Пуебла, е убиен на митинг во петокот, соопшти државното обвинителство.
Ова е една жртва повеќе отколку за време на изборите во 2021 година, според податоците на консултантската компанија „Интегралија“, објави Ројтерс.

Досега имало 828 напади врз кандидати, што е драматично зголемување од 749 во понеделникот. Аналитичарите велат дека моќните нарко картели и често корумпираните локални власти ја зголемуваат опасноста со која се соочуваат кандидатите.
На изборите Мексиканците ќе избираат претседател на државата, членови на Конгресот и претставници на локалните власти.
Клаудија Шајнбаум од владејачката партија Движење на националната преродба (Морена) се очекува да победи и да стане првата жена претседател на Мексико, заменувајќи го Андрес Мануел Лопез Обрадор во заминување.

Share on Facebook

Tweet

Follow us

Save