INFOMAX.MK

Автомобил-бомба експлодирала синоќа вечерта пред во полициска станица во Мексико, при што биле ранети шест луѓе, пренесува Еуроњуз.

Експлозијата се случила во градот Охокалиенте, во сојузната држава Закатекас. Таа е клучна за трговијата со дрога бидејќи го поврзува централниот дел на Мексико со северот и западот на земјата и низ неа минуваат важни рути за шверц на кокаин и други наркотици кон САД.

„Експлозивот бил поставен во приватно возило и предизвикал материјална штета на станицата и на објектите во нејзина близина. Пријавено е дека шест цивили се ранети и добиваат медицинска помош“, напиша државниот секретар на владата, Родриго Рејес, на Фејсбук.

Ужасното насилство поврзано со трговијата со дрога со години ја измачуваше Закатекас, при што речиси секојдневно беа пронаоѓани тела, а луѓе исчезнуваа, сè додека не настапи период на релативно затишје.

Но, во јули, пет тела беа пронајдени обесени од мост во градот Позос де Гамбоа, на околу 75 километри од Охокалиенте.

Меѓу жртвите имало поранешен градоначалник, државни службеници и бизнисмени од други делови на сојузната држава.