Најмногу дожд падна во Крива Паланка – измерени 30 литри на метар квадратен

Најмногу врнежи во изминатите 24 часа се измерени во Крива Паланка – 30 литри на метар квадратен, покажуваат податоците на УХМР.

Следуваат Струмица со 18 l/m², Виница со 13, Берово со 8, Тополчани со 6, Битола со 3, додека во Радовиш, Пожар и Крушево се измерен по 1 литар на метар квадратен.

Од УХМР напоменуваат дека поради локалниот карактер на временските процеси, количината на врнежи може значително да варира, па на одделни места може да паднал и многу поголем воден талог.

За денеска се очекува сончево и топло време со мала до умерена локална облачност, но наместа ќе има услови за пороен дожд, грмежи и засилен ветер. Максималната температура ќе се движи од 29 до 36 степени.

Во Скопје ќе биде сончево и топло, со максимална температура до 36 степени.

Share on Facebook

Tweet

Follow us

Save