Најслаткиот момент на Марија Шерифовиќ со бебето – погледнете како пејачката се топи покрај него

Марија со новото видео ги воодушеви своите фанови

Пејачката ужива со својот наследник

Познатата пејачка Марија Шерифовиќ заедно со својата мајка Верица Шерифовиќ и синот Марио се вратија во Белград.

Таа најпрво ги покани пријателите и роднините да дојдат да го запознаат Марио, а потоа објави и едно видео со кое ги разнежни сите.

Имено, Марија откако го доби синот не се одвојува ни за момент од него, а сега на Инстаграм објави и едно видео на кое се гледа како се игра со неговите ноџиња, а потоа го бакнуваше и се „топеше“ додека го гушкаше.

Од снимките што досега ги објави, можеме да видиме дека станот што го има во Белград на вода веќе го подготвила за бебето, но и целосно го уредила во духот на новогодишните и божиќните празници.

Пејачката претходно го снимаше и нивниот лет од Америка, а како што самата откри во својот најнов влог, Марио речиси цело време спиеше. Со пејачката во авионот беше и нејзината мајка Верица, а Марија во еден момент објасни и како се поделиле околу чувањето на бебето.

„Ситуацијата е следна. Јас не спиев ни минутка, џуниор спиеше. До сега јадеше три пати. Сега бабата е на ред. Кога ви ја снимам неа, тогаш е таа на ред, а кога не снимам, тогаш на мене ми се зафатени рацете“, изјави Шерифовиќ во шега во своето видео со кое ги воодушеви сите.

Кога се вратија во Белград, на аеродромот ги пречека пријател, а потоа заедно отидоа во нејзиниот стан каде ги дочека декорација во сина боја.

Шерифовиќ потоа го покажа и моментот кога пристигнаа во домот, додека го држеше малиот Марио во рацете.

„Е, пристигнавме дома. Ве сакам сите“, порача Марија.

Потсетуваме, Марија својот син Марио го доби со помош на сурогат мајка во Лос Анџелес, така што оваа вест ги изненади сите.

Откако стана мајка таа не се одвојува од својот наследник, за кого пред две години поминувала низ постапката за вадење на нејзините јајце клетки, а потоа и креирање на ембрионот.

Share on Facebook

Tweet

Follow us

Save