На Герасимовски малку му се парите од данокот на центарци, па ќе бара повеќе од републичкиот буџет

Градоначалникот на Центар, Горан Герасимовски, вечерва информираше дека на територијата на општината нема големо намалување во наплатата на данок на имот.

– „Иако е ковид-криза, бројките се речиси слични како и претходно. Данокот иде преку самиот град, а се дели 60-40 заедно со општините. Сега не можеме да се пожалиме дека има драстичн намалување, рече Герасимовски во емисијата „Топ тема“.

Градоначалникот соопшти дека општината планира реконструкција на 14 улици во текот на годината, како и изградба на нова градинка во населбата Пролет, но и три детски игралишта.

– „Ако правиме ребаланс на буџетот во мај, ќе бараме помош од Владата. Одредени средства за овие проекти се од Светската банка, имаме средства и од ЕБОР. Наоѓаме начини. Имавме доста ветувања кон граѓаните и мораме да го оствариме, посочи Герасимовски.

Share on Facebook

Tweet

Follow us

Save