На косовско-српската граница приведен албански полициски инспектор со непријавени милион евра

Полициски инспектор од полициската станица Камза, со уште две други лица, се уапсени на преминот „Мердаре“ при влез од Србија во Косово, со непријавени милион евра.

– Дирекцијата за професионални стандарди во државната полиција веднаш го суспендираше инспекторот Аурел Казиу, откако косовската страна извести дека тој вчера бил уапсен заедно со уште две лица, откако се обидел да прошверцува еден милион евра непријавени, објави Дирекцијата.

Инспекторот Казиу и двајцата Косовци идентификувани како Етник Ахмаџокај и Ардит Ласка, се во притвор, а се осомничени за кривично дело „перење пари“.

Возилото тип комби, кое му припаѓало на Казиу било детално контролирано при што парите биле откриени во додаден простор на подот на возилото.

Според „Топ чанел“ косовските и албанските власти сè уште не се во можност да го утврдат потеклото на овие пари или нивната крајна дестинација, но се сомневаат дека тие припаѓаат на албанска криминална група, која избрала копнени патишта за да ги транспортира до Албанија и Косово.

Share on Facebook

Tweet

Follow us

Save