На плоштад „Македонија“ скопјани им оддаваат почит на загинатите во пожарот во Кочани

Во Скопје денеска се оддава почит за загинатите во пожарот во клубот „Пулс“ во Кочани.

Граѓаните доаѓаат и палат свеќи на плоштадот „Македонија“ во чест на починатите во оваа ужасна трагедија.

Во Кочани, Штип, Облешево и во Скопје денеск се одржуваат погребните церемонии за починатите во пожарот.

Со погребната церемонија во Кочани чиноначалствува поглаварот на Македонската православна Црква – Охридска архиепископија г.г. Стефан.

На 16 март утрината околу 2:35 часот избувна пожар во клубот „Пулс“ во Кочани за време на концерт на групата ДНК.

Во пожарот загинаа 59 лица меѓу кои и осум члена на групата ДНК. Меѓу загинатите има шест лица со возраст под 18 години, а највозрасниот загинат има 48 години.

Во пожарот беа повредени над 180 лица кои се згрижени во болници во земјава и во странство.

Во државава во моментов се лекуваат 72 пациенти, а надвор 101, додека три лица веќе се пуштени на домашно лекување.

Share on Facebook

Tweet

Follow us

Save