На стогодишна возраст почина Одет Нилс – жената симбол на отпорот за време на нацистичката окупација на Франција

На стогодишна возраст почина Одет Нилс – симбол на отпорот за време на нацистичката окупација на Франција. Францускиот претседател Емануел Макрон ја нарече олицетворение на „век посветеност и слобода“.

„Одета Нилс претставуваше век на посветеност и слобода. Ќе продолжиме да го носиме споменот на нејзината работа“, напиша шефот на француската држава на Твитер.

Родена на 27 декември 1922 година во Париз и членка на Младите комунисти од 1940 година, таа дистрибуираше летоци и учествуваше во демонстрациите за време на окупацијата, пред да биде уапсена од француската полиција во август 1941 година.

Потоа била префрлена во логор за интернација во регионот на Лоара-Атлантик, каде што се запознала со друг познат учесник во движењето на отпорот, Ги Моке, во пресрет на неговата егзекуција заедно со 47 други затвореници.

На „бариерата“, границата меѓу женскиот и машкиот камп, таа му ветила бакнеж што никогаш нема да може да му го даде.

Последната порака на Моке беше и за Одета: „Ќе умрам … без да го добијам тоа што ми го вети“.

Нилс, која тогаш беше наречена „свршеницата на Гај Моке“, потоа беше префрлена во неколку логори во текот на три години, до оној во Мерињак, западна Франција, од каде што избега во 1944 година за да се приклучи на движењето на отпорот во Бордо. .

По војната, Одета Нилс цел живот остана верна на својот комунистички идеал и се бореше за правата на жените.

Share on Facebook

Tweet

Follow us

Save