Нека му е со среќа – му порача Мицкоски на Снопче по најавите дека ВЛЕН би можела да ја напушти Владата поради Законот за бранители

Премиерот Христијан Мицкоски му порача „нека му е со среќа“ на пратеникот Халил Снопче откако вчера тој во дебатна емисија изјави дека доколку се изгласа Законот за бранители, коалицијата ВЛЕН ќе ја напушти Владата.

Мицкоски го даде истиот одговор и кога беше запрашан за најавите на лидерот на ДУИ, Али Ахмети за протести поради укинувањето на балансерот.

-Исто така и на него можам да му порачам добро здравје и со среќа, рече претседателот на Владата од општина Ѓорче Петров.

Снопче синоќа изјави дека неговата коалиција ќе излезе од Владата доколку се укине Законот за употреба на јазиците и доколку биде изгласан Законот за бранители.

„Поради руското влијание, доколку влезат во такви авантури и ние не го решиме проблемот навремено, тогаш за ВЛЕН нема место во Владата. Какво место во Владата, рекол Снопче во емисијата „Клик плус“.

Share on Facebook

Tweet

Follow us

Save