Несреќа во Шпанија: Се судрија патнички воз и локомотива, повредени 22 лица

Несреќа се случи во североисточна Шпанија кога регионален патнички воз и локомотива директно се судрија, при што беа повредени најмалку 22 лица, јавуваат тамошните медиуми.

Регионалната влада на североисточна Каталонија објави дека пет од 22 лица се во тешка состојба, пренесува АП. Судирот се случил во неделата доцна навечер во близина на градот Вила-сека, јужно од Барселона, а во возот имало 75 патници.

Шпанската железничка инфраструктура соопшти дека локомотивата имала проблем со сопирачките, а истрагата за судирот е во тек.

Оттаму додаваат дека сообраќајот на пругата и денеска останал во прекин.

Текстот 22 лица се повредени во судир на патнички воз и локомотива во Шпанија е преземен од МАКФАКС.

Share on Facebook

Tweet

Follow us

Save