Нетанјаху ја поздрави американската интервенција во Венецуела

Израелската влада јавно застана зад потезите на Соединетите Американски Држави во Венецуела, откако премиерот Бенјамин Нетанјаху на денешната владина седница ја пофали одлуката и дејствувањето на Вашингтон. Американската воена операција, спроведена вчера, резултираше со соборување од власт на венецуелскиот претседател Николас Мадуро. По неговото приведување, САД најавија дека ќе ја преземат привремената управа со земјата, соопшти американскиот претседател Доналд Трамп.

„Во Латинска Америка неколку држави се враќаат во американската сфера на влијание и ги обновуваат врските со државата Израел. Го поздравуваме тоа, го поздравуваме претседателот Трамп и, исто така, ги поздравуваме американските вооружени сили кои спроведоа совршена операција“, изјави Нетанјаху.

Покрај тоа, израелскиот премиер нагласи дека Израел изразува поддршка за иранскиот народ, осврнувајќи се на актуелните протести во Иран предизвикани од тешката економска состојба во земјата, пренесува БТА.

Share on Facebook

Tweet

Follow us

Save