INFOMAX.MK

Украина може да смета на поддршката на новата италијанска влада, се вели во пораката до претседателот Володимир Зеленски од Џорџа Мелони, чија крајнодесничарска партија “Италијански браќа” освои најголем процент од гласовите во неделата, пренесе АФП.

„Знаете дека можете да сметате на нашата лојална поддршка за каузата за слободата на украинскиот народ. Бидете силни и чувајте ја цврсто својата вера“, напиша Мелони на Твитер како одговор на честитките на Зеленски за нејзината победа.

Congratulazioni a @GiorgiaMeloni e al suo partito per la vittoria alle elezioni. Apprezziamo il sostegno costante dell’Italia all'Ucraina nella lotta contro l'aggressione russa. Contiamo su una proficua collaborazione con il nuovo governo italiano.
— Володимир Зеленський (@ZelenskyyUa) September 27, 2022

„Ја цениме непоколебливата поддршка на Италија за Украина во борбата против руската агресија и сметаме на продуктивно партнерство со новата италијанска влада“, напиша тој на италијански.

Италијанскиот премиер во заминување Марио Драги беше еден од најсилните поддржувачи на санкциите на ЕУ против Русија поради војната во Украина, и покрај зависноста на неговата земја од рускиот гас.