Нови обвиненија против Навални

Рускиот политичар, Алексеј Навални, во објава на социјалните мрежи изјави дека бил информиран оти против него се покренати нови обвиненија.

Во коментарите објавени преку неговите соработници, Навални вели дека сега е обвинет според член 214 од рускиот кривичен законик, кој опфаќа вандалски дела.

Немам поим што е член 214 и нема начин како да дознаам. Вие ќе знаете пред јас да дознаам. ие покренуваат нови обвиненија против мене на секои три месеци. Ретко е затвореник кој е во самица повеќе од една година, да води толку динамичен социјален и политички живот, напиша Навални на својот профил на Телеграм.

Навални (47) веќе отслужува казни од вкупно 30 години во казнена колонија поради обвиненија за екстремизам.

Политичкото движење на Навални е забрането, а клучните фигури беа затворени или избегаа во странство.

Share on Facebook

Tweet

Follow us

Save