Нови препукувања меѓу ЕУ и Унгарија: Сијарто обвинува за антиунгарско расположение и двојни стандарди

Унгарскиот министер за надворешни работи Петер Сијарто ја обвини Европската комисија за „антиунгаризам” и двојни стандарди, поради нејзината намера да го блокира доделувањето средства на унгарските универзитети во рамките на програмата за размена на студенти Еразмус.

По средбата со турскиот министер за национално образование, Махмут Озер, Сијарто рече дека постапките на Брисел се неприфатливи и неосновани.

Мислам дека ова е ужасен показател за двојни стандарди, рече Сијарто.

Тој ги обвини европските претставници дека покажуваат „нови симптоми на унгарофобија”.

На 10 јануари, Европската комисија одлучи да го прекине финансирањето во рамките на програмите Еразмус и Хоризонт за 21 унгарски универзитет управувани од фондации поврзани со владата.

Причина за суспензијата е, како што се тврди, присуството на политички личности и блиски до партијата Фидес во управните одбори, како и нетранспарентноста во користењето на европските фондови.

Share on Facebook

Tweet

Follow us

Save