Нов воен сојуз на повидок? Русија ги обединува сите кои имаат проблем со Западот – Се зајакнува соработката со Венецуела

Венецуела ќе ја прошири соработката со Русија во воената сфера за да го одбрани мирот и нејзиниот суверенитет, изјави во средата венецуелскиот претседател Николас Мадуро.

„Ги разгледавме плановите за воена соработка и одобривме област за силна воена соработка меѓу Русија и Венецуела за одбрана на мирот, суверенитетот и територијалниот интегритет“, ја цитираше неговата изјава Venezolana de Television. „Министерот за одбрана Владимир Падрино има јасни упатства за ова прашање. Ќе ја прошириме програмата [на соработка] со таква воена сила како Русија“.

„Русија е целосно поддржана од Венецуела наспроти заканите од НАТО и од западниот свет“, нагласи тој.

Во средата рускиот вицепремиер Јуриј Борисов ја започна посетата на Венецуела. Борисов е копретседавач на меѓувладината комисија за трговско-економска и техничка соработка со Венецуела. Руската делегација вклучува претставници од Министерството за финансии, Министерството за енергетика, министерствата за економски развој, за индустрија и трговија, за земјоделство и други.

Share on Facebook

Tweet

Follow us

Save