Нов пад на млазен авион во Франција, пилотот загина

Пилотот загина во петокот кога францускиот авион од типот „Fouga Magister“ се урна во морето во текот на аеромитинг во близина на Лаванду на францускиот медитерански брег, соопштија властите.

„Телото на пилотот е пронајдено“, соопшти префектурата Вар во јужна Франција. Надлежните додаваат дека е отворена истрага за да се утврдат причините за инцидентот.

Воздухопловното шоу беше дел од комеморациите на 80-годишнината од истоварувањето на сојузниците во Прованса. Познатиот аеробатски тим „Patrouille de France“ требаше, исто така, да учествува на аеромитингот, но тие решија да го откажат својот настап по несреќата.

Овој инцедент се случи само два дена откако два француски борбени авиони од типот „Rafale“ се судрија во текот на лет на истокот на земјата, при што загинаа две лица.

Share on Facebook

Tweet

Follow us

Save