Нов силен земјотрес со епицентар во Антакија ја погоди Турција

Уште еден земјотрес вечерва ја погоди Турција, а потресот имал епицентар кај градот Антакија (Антиохија), во јужната провинција Хатај, која граничи со Сирија и беше меѓу најпогодените во катастрофалните земјотреси од почетокот на месецов.

Според првичните податоци, земјотресот, во 21 часот и 47 минути по локално време, имал јачина од пет степени според Рихтеровата скала, а тој се случил на длабочина од 10 километри.

Стотици дополнителни потреси ја погодија Турција во деновите по двата големите земјотреса, кои предизвикаа вистинска катастрофа и досега одзедоа повеќе од 42.000 животи во Турција и Сирија.

Засега нема информации за евентуални штети, жртви или повредени од последниот потрес во Турција.

Share on Facebook

Tweet

Follow us

Save