Нов скандал со брзите кредити: Со туѓа лична карта се обидел да земе брз кредит

Четириесет и петгодишен маж од скопското село Крушопек се обидел со украдена лична карта да земе брз кредит, по што полицијата го привела.

„На 02.11.2023 околу 09.30 часот во Скопје, полициски службеници од Полициската станица Чаир го лишиле од слобода лице (45) од с.Крушопек, скопско. Тој се сомничи дека одзел лична карта на лице од скопско село и во филијала на финансиско друштво на подрачје на Бутел се обидел да земе кредит, претставувајќи се дека е лицето, но од вработените бил забележан дека лажно се претставува“, информираат од МВР.

Тој бил приведен во полициска станица и по целосно документирање на случајот, во координација со јавен обвинител, против него ќе биде поднесена соодветна пријава.

Share on Facebook

Tweet

Follow us

Save