Одрони од карпи, камења и земја кон Бањиче – единствената пешачка зона во Тетово
Ерозивните процеси долж пешачката зона која води кон рекреативното место Бањиче повторно се активираа.
Но, деновиве камења, земја, на некои места и огромни карпи има долж целиот патен правец. Ризиците се огромни, но тетовци и натаму се уште го користат овој предел за одмор, релаксација и рекреација оти е единствената пешачка зона во Тетово.
Тетовецот Гајур Љума вели дека два пати во текот на денот оди кон пределот Бањиче. Жално е посочува тој ова место да не се искористи. Тука покрај реката Пена и на „Шара“ ги „полнам батериите“, но и белите дробови со чист воздух. Стравот е присутен, внимавам, се движам подалеку од планината каде се активираат одроните. Но, крајно време е општината да преземе сериозни чекори во однос на овој долгогодишен проблем, кој ги засега тетовци оти во пролетниот и летниот период масовно го користиме ова рекреативно место.
„Ова е најубавото место кое го има Тетово, но за жал оваа историја со овие одрони се повторува и не само овде туку и надолу има одрони. Сите гледаме дека е опасно, има одрони особено кога врне. Јас се надевам дека ќе се уреди, но треба да има и екипа која ќе го одржува патот. Сами гледате, тука секој викенд има многу луѓе, пешачат, единствено место каде излегуваме во природа и тоа треба да го зачуваме. Јас до Бањиче одам секој ден наутро и попладне. Жално е да не искористи оваа природа, ова е единственото место каде што можеме да дишеме слободно, што правиме ние за одржување на природата , целосно како држава не правиме ништо во споредба со европските стандарди кон кои се стремиме“, рече Љума.
За жал и свеста на народот е на ниско ниво, додава Љума. Разочаран е што постојано гледа како се фрлаат отпадоци и во најживописните предели на „Шара“.
Извор: Слободен печат
ПОВРЗАНИ ВЕСТИ
(Документи+видео) Касами склучил договор за речиси ДЕВЕТ…
Ова го има само во Тетово! Најниска…
Жител на Тетово остана и без 21.000…
СВР Тетово информира дека жител на тетовскиот…
Тетовец му се заканувал на полицаец преку…
Жител на Тетово му се заканувал на…
(Видео) Сајкоски потврди: Коалицијата со Касами функционира…
Коалицијата со Биљал Касами и Арбен Таравари…
Сотировски поднесе претставка за дискриминација против Општина…
Даријан Сотировски, актуелен директор на Комисијата за…