Од Москва Макрон замина во Украина – Се разговара за стбилноста во Европа

Францускиот претседател Емануел Макрон пристигна од Москва во украинскиот главен град Киев, каде што разговараше со рускиот претседател Владимир Путин, на разговори за ситуацијата околу Украина.

Според телевизискиот канал „Украина-24“, Макрон ќе се упати во Маринската палата на средба со украинскиот претседател Владимир Зеленски.

Ова е прва посета на Украина на француски претседател од 1998 година, кога Жак Ширак ја посети земјата. Макрон е придружуван од францускиот министер за надворешни работи Жан-Ив Ле Дриан.

Францускиот лидер постојано ја истакна потребата да се обезбеди деескалација и да се најде дипломатско решение за конфликтот во Донбас. Според Макрон, негов приоритет е да бара политички излез од кризата.

Францускиот претседател претходно на заедничката прес-конференција со Путин рече дека за време на неговите разговори во Киев ќе се осврне на спроведувањето на договорите од Минск. Макрон многупати ја потенцираше потребата строго да се почитува документот.

Тој, исто така, вети дека ќе го информира украинскиот лидер за консултациите со Москва за безбедносните гаранции и напорите за обезбедување стабилност во Европа. По разговорот со неговиот украински колега, Макрон планира да оствари уште еден телефонски разговор со Путин.

Share on Facebook

Tweet

Follow us

Save