Омикрон ја мобилизираше Германија – Сојузните држави на состанок

Германскиот канцелар Олаф Шолц и премиерите на 16те сојузни држави денеска ќе разговараат за здравствената политика во земјата, со оглед на брзото ширење на Ковид-19, а особено, на повеќе преносливиот сој – омикрон.

Се очекува лидерите да ги продолжат досегашните мерки. Засега нема индикации за наметнување построги правила или олабавување на сегашните мерки. Сепак, на низа прашања допрва треба да се даде одговор, пренесува ДПА.

Меѓудругото, од лидерите се очекува да размислат дали да го намалат времето по инфекцијата, кога се смета дека луѓето „оздравиле“ и дека со тоа се текнале со имунитет. Според научниците, овој период треба да се скрати на 90 дена наместо шест месеци.

Поединци бараат вакцинацијата да биде задолжителна, чекор што Австрија веќе го направи. Сепак, научниците се поделени по ова прашање.

Состанокот доаѓа во време кога научници предвидуваат дека ќе има стотици илјади нови инфекции секој ден во средината на февруари.

Share on Facebook

Tweet

Follow us

Save