Орбан “ги шамара” европските лидери: Русија воопшто не падна на колена и европските економии крварат до смрт

Политиката на санкциите на Европската унија кон Русија мора да се промени, бидејќи очекуваниот ефект не е постигнат, изјави унгарскиот премиер Виктор Орбан.

Во видеото на Фејсбук синоќа, во пресрет на самитот на шефови на држави и влади на ЕУ во Прага, тој порача дека на тој состанок мора да се разговара за некои „тешки теми“. „Дали европските земји ќе имаат гас и струја во наредните месеци“, праша унгарскиот премиер.
Орбан рече дека Унгарија претходно успешно се борела да добие ослободување од нафтените ембарга и санкции.

Во последните денови земјата постигна и ослободување од новите санкции кои влијаат на снабдувањето со нуклеарна енергија и гас, додаде унгарскиот премиер, пренесува Танјуг.

Санкциите доведоа до „драстичен скок“ на цените на енергијата, што е речиси невозможно да се плати, посочи Орбан.
„Русија воопшто не падна на колена и европските економии крварат до смрт“, рече Орбан.

Тој заклучи дека станало „очигледно дека политиката на санкции мора да се промени“ и дека тоа е главното прашање на состанокот на европските лидери.

Share on Facebook

Tweet

Follow us

Save