Орбан до Европа: Не очекувајте Русија да биде поразена

Унгарскиот премиер Виктор Орбан изјави дека амбициозниот план на Европа за Украина, чии иницијатори се надеваа дека ќе ја победат Русија со финансирање на Киев, пропадна.

„Веќе стана јасно дека оваа европска стратегија, која се уште се спроведува, е целосен неуспех бидејќи Европа сака Украина да продолжи да се бори, додека тие обезбедуваат пари и оружје. Тие мислат дека Украина ќе победи, а Русија ќе загуби и дека на крајот ќе можат да го сменат раководството во Русија и да преговараат со новото руско раководство“, рече Орбан за време на своето обраќање на самитот на Советот на турските држави во Астана.

Сепак, според него, постои и план Б поддржан од Унгарија, кој предвидува одржување на мирот и безбедноста.
„Повикуваме на мир, за изградба на нова безбедносна инфраструктура која ќе биде прифатлива и за Украина и за Русија“, нагласи Орбан.

Share on Facebook

Tweet

Follow us

Save