Орбан до Зеленски: Унгарија нема да биде заплашена

Унгарскиот премиер Виктор Орбан упати остра порака до украинскиот претседател Володимир Зеленски, нагласувајќи дека Унгарија нема да прифати притисоци или заплашувања. „Унгарија нема да биде заплашена. Претседателите доаѓаат и си одат, личните навреди можат да се случат, но достоинството на Унгарија е нешто за кое не може да се преговара. Претседателот на Украина Зеленски треба да го запомни тоа“, напиша Орбан на социјалната мрежа X.

Реакцијата доаѓа откако Орбан го критикуваше говорот на Зеленски на Светскиот економски форум во Давос, во кој, според Будимпешта, биле упатени напади кон унгарската Влада и кон самиот премиер.

Орбан оцени дека Зеленски смета оти европската поддршка за Украина е недоволна, но истакна дека Брисел веќе одговорил со нов план. „Претседателката на Европската комисија, Урсула фон дер Лајен, презентираше патоказ за развој на Украина… 800 милијарди долари за Украина, забрзан пристап кон ЕУ до 2027 година и понатамошна поддршка до 2040 година“, рече Орбан. Тој додаде дека Зеленски „сè погрешил“, но дека Брисел е „подготвен да плати“, најавувајќи и национална петиција. „Со неа ќе испратиме јасна порака до Брисел: нема да платиме“, заклучи Орбан

Share on Facebook

Tweet

Follow us

Save