Орбан: Прием на Украина во ЕУ ќе значи фронт против Русија

На Европа ѝ е потребен мир, а за да го постигне, Украина не треба да биде примена во Европската Унија, бидејќи тоа би значело отворање на Источен фронт против Русија, изјави унгарскиот премиер Виктор Орбан, говорејќи на Меѓународната конференција за конзервативна политичка акција во Будимпешта. „Сакаме мир.

Не сакаме да се отвори нов Источен фронт, па затоа не треба да ја примиме Украина во ЕУ“, нагласи Орбан, презентирајќи го својот акционен план за десничарските конзервативни сили во Европа. Тој истакна дека раководството на ЕУ ја подготвува Европа за војна со Русија, а Украина игра клучна улога во овој план.

„Клучот за овој либерален план е Украина. Забрзаниот прием на Украина во ЕУ ќе претходи на реорганизацијата на Европа и милитаризацијата на нејзината економија“, рече унгарскиот премиер. Според него, планот на Брисел предвидува и „централизација на моќта во пресрет на војната“ и создавање нов модел на воена економија во Европа.

„Тие веруваат дека војната е движечка сила на економијата“, рече Орбан, коментирајќи ги сегашните лидери на ЕУ. Тој истакна дека Унгарија има свој „патриотски план“ за реорганизација на Европската Унија, за разлика од либералниот, кој вклучува зголемување на воените трошоци и зајакнување на контролата врз земјите-членки од Брисел. „Ние сакаме суверенитет. Не сакаме заеднички даноци, не сакаме заедничко задолжување, не сакаме централизирано управување со економијата и не сакаме нашите пари да одат во војната на трета земја“, нагласи Орбан.

Share on Facebook

Tweet

Follow us

Save