Османи: Сè уште не сме одлучиле да испратиме амбасадор во Москва!

Министерот за надворешни работи, Бујар Османи, изјавата на ВМРО-ДПМНЕ дека директорот на протоколот, кој си поднесе оставка, ќе оди како амбасадор во Москва, ја нарече лажна вест.

Според него, двата настани не се поврзани еден со друг.

– Требаше да испратиме амбасадор во Москва некаде на почетокот на годината, тој ги помина сите процедури, но потоа се случи агресијата во Украина и решивме да го спуштиме нивото на дипломатските односи со Русија и да не испратиме амбасадор, бидејќи тој беше надвор од функцијата, јас го поставив за директор на протокол и таа функција ја извршуваше до сега. На денот кога се случи тој инцидент, иако немаше директна одговорност, бев информиран и ми кажано дека под морална одговорност барам да ме разрешите од директорската позиција. Дали и кога ќе испратиме амбасадор во Москва, ова ќе биде политичка одлука во зависност од тоа како ќе оцениме, дека за ОБСЕ треба да имаме комуникација и со Руската Федерација, рече меѓу другото Османи по средбата со потпретседателот на Владата и министер за надворешни работи на Република Казахстан, Мухтар Тлеуберди кој престојува во официјална посета на Република Македонија.

Share on Facebook

Tweet

Follow us

Save