Папата: Венецуела треба да остане независна држава

Папата Лав Четиринаесетти денеска изјави дека со „душа исполнета со загриженост“ го следи развојот на настаните во Венецуела по соборувањето на претседателот Николас Мадуро со воената интервенција на САД.

Поглаварот на Римокатоличката црква изјави дека Венецуела треба да остане независна држава и дека мора да се почитуваат човековите права.

По воената операција на САД и приведувањето на Мадуро, САД имаат намера привремено да го преземат управувањето со јужноамериканската земја, изјави вчера американскиот претседател Доналд Трамп.

– Добросостојбата на венецуелскиот народ треба да биде над сè, истакна папата кој денеска во Ватикан ја одржа својата неделна молитва „Ангел Господов“.

Share on Facebook

Tweet

Follow us

Save